Publicouse a Orde do 8 de xaneiro de 2019 pola que se convocan probas de acceso a ciclos formativos de grao medio e de grao superior de formación profesional do sistema educativo para o ano 2019
PRAZO DE PRESENTACIÓN DE SOLICITUDES:
CICLO SUPERIOR: Do 28 de xaneiro ao 8 de febreiro de 2019.
CICLO MEDIO: do 7 ao 22 de marzo de 2019.
REQUISITOS DE INSCRIPCIÓN:
CICLO SUPERIOR:
Poderán participar na proba de acceso aos ciclos formativos de grao superior as persoas que non cumpran os requisitos académicos esixidos para acceder a eles e teñan dezanove anos ou os fagan no ano de realización da proba.
Os requisitos académicos de acceso a ciclos formativos de grao superior son os seguintes:
- Título de bacharel establecido na Lei orgánica 2/2006, do 3 de maio, de educación.
- Título de bacharel establecido na Lei orgánica 1/1990, do 3 de outubro, de ordenación xeral do sistema educativo.
- Segundo curso de calquera modalidade de bacharelato experimental regulado pola Orde ministerial do 21 de outubro de 1986 (BOE do 6 de novembro).
- Título de bacharelato unificado e polivalente establecido na Lei orgánica 14/1970, do 4 de agosto, xeral de educación e financiamento da reforma educativa.
- Título de técnico superior, de técnico especialista ou equivalente para os efectos académicos.
- Título de técnico de formación profesional.
- Titulación universitaria ou equivalente para efectos académicos.
CICLO MEDIO:
Poderán participar na proba de acceso aos ciclos formativos de grao medio as persoas que non cumpran os requisitos académicos esixidos para acceder a eles e teñan dezasete anos ou os fagan no ano de realización da proba.
Os requisitos académicos de acceso a ciclos formativos de grao medio son os seguintes:
- Título de graduado en educación secundaria obrigatoria.
- Título profesional básico.
- Título de técnico auxiliar de formación profesional.
- Segundo curso do bacharelato unificado e polivalente (BUP) rematado ou cun máximo de dúas materias pendentes no conxunto dos dous primeiros cursos.
- Segundo curso do primeiro ciclo experimental da reforma das ensinanzas medias (REM).
- Terceiro curso do plan de estudos de 1963 ou segundo curso de comúns experimental das ensinanzas de artes aplicadas e oficios artísticos.
- Outros estudos declarados equivalentes aos anteriores, para efectos académicos.
- Módulos obrigatorios (módulos profesionais e módulos formativos de carácter xeral) dun programa de cualificación profesional inicial (PCPI) cursados desde o curso 2011- 2012.
- Calquera dos requisitos académicos de acceso a ciclos formativos de grao superior.
PRESENTACIÓN DA SOLICITUDE
As solicitudes poderanse realizar de xeito telemático desde o epígrafe “Solicitude de inscrición telemática” que figura na páxina http://www.edu.xunta.es/fp/probas, no menú:
“Acceso a grao medio”, en “Convocatoria 2019”.
“Acceso a grao superior”, en “Convocatoria 2019”.
A aplicación informática, que incorpora un asistente que facilita o proceso, xera unha instancia para imprimir que se deberá presentar nun centro de inscrición, xunto coa documentación que se indique na instancia.
Opcionalmente, pódese optar por cubrir o formulario normalizado en pantalla (anexo I), imprimilo e presentalo nun centro de inscrición xunto coa documentación necesaria. O formulario normalizado está dispoñible en:
–http://www.edu.xunta.es/fp/ – Sede electrónica da Xunta de Galicia: https://sede.xunta.es
(para acceso a grao medio, o código de procedemento é ED312C)
(para acceso a grao superior, o código de procedemento é ED312D)
Considérase centro de inscrición calquera centro público dependente da Consellería de Educación, Universidade e Formación Profesional con oferta de formación profesional. Recoméndase usar como centro de inscrición o máis próximo ao domicilio habitual, posto que calquera outro trámite posterior á inscrición (por exemplo, consulta de listaxes, presentación de reclamacións, etc.) deberá realizarse exclusivamente no centro de inscrición elixido. Ademais, a sede de exame que se lle asigne será un centro próximo ao devandito centro de inscrición.
EXENCIÓNS:
Consultar as exencións totais ou parciais na orde do 22 de Xaneiro do 2018 ou na páxina 7 das seguintes ligazóns:
Ciclo medio: http://www.edu.xunta.es/fp/webfm_send/7937
Ciclo superior: http://www.edu.xunta.es/fp/webfm_send/7938
DATA E HORA DA CELEBRACIÓN DA PROBA:
CICLO MEDIO
O día 7 de maio farase público o lugar ou os lugares onde se realizarán as probas. Esta listaxe publicarase nos centros de inscrición e na páxina web http://www.edu.xunta.es/fp
A proba realizarase o 28 de maio de 2019, no seguinte horario:
- Presentación: ás 9:00 horas.
- Partes matemática e sociolingüística da proba: Das 10:00 ás 13:00 horas (Matemáticas, Lingua galega, Lingua castelá e Ciencias sociais).
- Parte científico-técnica da proba: Das 16:00 horas ás 18:00 horas (Ciencias da natureza e Tecnoloxía).
CICLO SUPERIOR
O día 15 de marzo farase público o lugar ou os lugares onde se realizarán as probas. Esta listaxe publicarase nos centros de inscrición e na páxina web http://www.edu.xunta.es/fp
A proba realizarase o 10 de abril de 2019, no seguinte horario:
- Presentación: ás 9:00 horas.
- Parte común da proba: Das 10:00 ás 13:30 horas (Matemáticas, Lingua galega e Lingua castelá).
- Parte específica da proba: Das 16:00 horas ás 18:30 horas (materias específicas da opción escollida).
ANEXO VII DA CONVOCATORIA
Indica as familias profesionais e ciclos formativos aos que se pode acceder segundo a opción da parte específica da proba de acceso a ciclos formativos de grao superior.
Consultar na ligazón: http://www.edu.xunta.es/fp/webfm_send/7938 (páxina 16)
CALENDARIO DA PROBA
http://www.edu.xunta.es/fp/webfm_send/7922
CONSULTAR OUTRA INFORMACIÓN IMPORTANTE NAS SEGUINTES LIGAZÓNS:
http://www.edu.xunta.es/fp/acceso-grao-medio-convocatoria-actual
http://www.edu.xunta.es/fp/acceso-grao-superior-convocatoria-actual